Fransada keçirilən futbol üzrə Avropa çempionatı yekunlaşmaq üzrədi. Apasport.az saytının məlumatına görə, artıq turnirin ən güclü 4 komandasının adına aydınlıq gəlib.
Yarımfinalda Portuqaliya Uelslə, ev sahibi Fransa isə Almaniya ilə qarşılaşacaq. Qalib gələcək komandalar finalda çempionun adını müəyyənləşdirəcəklər.
Portuqaliya - Uels
İyulun 6-da baş tutacaq yarımfinal görüşünün iştirakçıları Portuqaliya və Uels yığmaları indiyə qədər 3 dəfə üz-üzə gəliblər. Yəni, 2 gün sonra keçiriləcək matç bu komandaların tarixi ərzində 4-cü görüş olacaq. Portuqaliya və Uels arasında keçirilmiş əvvəlki qarşılaşmaların hamısı yoldaşlıq xarakteri daşıyıb və bu oyunların 2-də Portuqaliya, 1-də isə Uels sevinib.
1949-cu ildə baş tutan ilk oyun pireneylilərin 3:2 hesablı qələbəsi ilə yekunlaşıb. İki il sonra keçirilmiş növbəti dueldə isə Uels qalib gəlib – 2:1. Bu komandalar sonuncu dəfə 2000-ci ildə qarşılaşıblar və Portuqaliya Uels üzərində asan qələbə qazanıb - 3:0.
Budəfəki matç isə komandaların həm Avropa çempionatında, həm də ümumiyyətlə, böyük turnirlərdə keçirəcəkləri ilk oyun olacaq.
15 may, 1949-cu il. Yoldaşlıq oyunu. Portuqaliya – Uels - 3:2
12 may, 1951-ci il. Yoldaşlıq oyunu. Uels – Portuqaliya - 2:1
2 iyun, 2000-ci il. Yoldaşlıq oyunu. Portuqaliya – Uels - 3:0
Almaniya - Fransa
Digər yarımfinal cütünün iştirakçıları – Almaniya və Fransa yığmaları isə bir-birlərinə daha yaxından tanış rəqiblərdi. Belə ki, almanlarla fransızlar bu vaxta qədər 27 dəfə üz-üzə gəliblər. Bu görüşlərdə “xoruzlar”ın üstünlüyü var. Fransa 12 dəfə qələbə qazandığı halda, Almaniyada bu say 10-a bərabərdi. Özü də almanlar 1 dəfə penaltilər seriyasında rəqibi üstələyə biliblər. 5 qarşılaşma isə heç-heçə nəticələnib.
Baş tutmuş 27 görüşdən 22-si yoldaşlıq matçıdı. Qalan 5 görüşdən 1-i Berlin turnirinə təsadüf etdiyi halda, digər 4 qarşılaşma dünya çempionatlarının final mərhələsində keçirilib. Bu isə o deməkdi ki, Bundestimlə “xoruzlar” Avropa çempionatları tarixində ilk dəfə üz-üzə gələcəklər.
15 mart, 1931-ci il. Yoldaşlıq oyunu. Fransa – Almaniya - 1:0
19 mart, 1933-cü il. Yoldaşlıq oyunu. Almaniya – Fransa - 3:3
17 mart, 1935-ci il. Yoldaşlıq oyunu. Fransa – Almaniya - 1:3
21 mart, 1937-ci il. Yoldaşlıq oyunu. Almaniya – Fransa - 4:0
5 oktyabr, 1952-ci il. Yoldaşlıq oyunu. Fransa – Almaniya - 3:1
16 oktyabr, 1954-cü il. Yoldaşlıq oyunu. AFR – Fransa - 1:3
28 iyun, 1958-ci il. Dünya çempionatının final mərhələsi. Fransa – Almaniya - 6:3
26 oktyabr, 1958-ci il. Yoldaşlıq oyunu. Fransa – AFR - 2:2
24 oktyabr, 1962-ci il. Yoldaşlıq oyunu. AFR – Fransa - 2:2
27 sentyabr, 1967-ci il. Yoldaşlıq oyunu. AFR – Fransa - 5:1
25 sentyabr, 1968-ci il. Yoldaşlıq oyunu. Fransa – AFR - 1:1
13 oktyabr, 1973-cü il. Yoldaşlıq oyunu. AFR – Fransa - 2:1
23 fevral, 1977-ci il. Yoldaşlıq oyunu. Fransa – AFR - 1:0
19 noyabr, 1980-ci il. Yoldaşlıq oyunu. AFR – Fransa - 4:1
8 iyul, 1982-ci il. Dünya çempionatının final mərhələsi. Almaniya – Fransa - 3:3 (penaltilərlə 5:4)
18 aprel, 1984-cü il. Yoldaşlıq oyunu. Fransa - AFR - 1:0
25 iyun, 1986-cı il. Dünya çempionatının final mərhələsi. Fransa – AFR - 0:2
12 avqust, 1987-ci il. Berlin turniri. AFR – Fransa - 2:1
28 fevral, 1990-cı il. Yoldaşlıq oyunu. Fransa – AFR - 2:1
1 iyun, 1996-cı il. Yoldaşlıq oyunu. Almaniya – Fransa - 0:1
27 fevral, 2001-ci il. Yoldaşlıq oyunu. Fransa – Almaniya - 1:0
15 noyabr, 2003-cü il. Yoldaşlıq oyunu. Almaniya – Fransa - 0:3
12 noyabr, 2005-ci il. Yoldaşlıq oyunu. Fransa – Almaniya - 0:0
29 fevral, 2012-ci il. Yoldaşlıq oyunu. Almaniya – Fransa - 1:2
6 fevral, 2013-cü il. Yoldaşlıq oyunu. Fransa – Almaniya - 1:2
4 iyul, 2014-cü il. Dünya çempionatının final mərhələsi. Fransa – Almaniya - 0:1
13 noyabr, 2015-ci il. Yoldaşlıq oyunu. Fransa – Almaniya - 2:0