3 İyul 14:42 AÇ-2016: “Çempionatı evdən seyr etməkdənsə, iyrənc oynayıb davam etmək daha yaxşıdı”
AÇ-2016 xəbərləri 3 İyul 14:42
860 baxış

AÇ-2016: “Çempionatı evdən seyr etməkdənsə, iyrənc oynayıb davam etmək daha yaxşıdı”

Portuqaliya millisinin yarımmüdafiəçisi Pereyra Danilu AÇ-2016-dakı çıxışları ilə bağlı tənqidləri cavablandırıb. Apasport.az saytının məlumatına görə, “A Bola” nəşrinə açıqlama verən futbolçu yaxşı oynamadıqlarının fərqində olduqlarını deyib.

 

“Tənqidlər bizim motivasiyamızı daha artırır. Biz bilirik ki, indiki halda oyunumuz o qədər də yaxşı deyil. Ancaq komanda öz işini yaxşı görür, əks halda bu qədər irəliləyə bilməzdik. Məncə, iyrənc oynayıb davam etmək daha yaxşıdı, nəinki çempionatı evdən seyr etmək” – deyə “Porto”nun üzvü bildirib.

 

Qeyd edək ki, hazırda Avropa çempionatının yarımfinal mərhələsinə qədər yüksəlmiş Portuqaliya millisi qrup mərhələsi də daxil olmaqla heç bir matçın əsas vaxtında qələbə qazanmayıb.