İslandiyanın prezidenti seçilmiş, lakin hələ vəzifəsinin icrasına başlamayan Qudni Yohanesson yığmasının AÇ-2016-dakı uğurlu çıxışına biganə qalmayıb. Apasport.az saytının məlumatına görə, yeni prezident Fransada keçirilən yarışın 1/4 final mərhələsinə yüksələn adalıların növbəti oyununa yollanacaq.

O bildirib ki, Fransa ilə qarşılaşma zamanı oyunu VİP tribunadan izləməyəcək. Buna onun qeyri-adi istəyi səbəb olub: “Niyə VİP otağında oturub, şampanla başımı qatmalıyam? Bunu dünyanın istənilən nöqtəsində edə bilərəm də. Mən öz azarkeşlərimizlə birlikdə tribunada olacam. Əynimdə də İslandiya yığmasının futbolkası. Rəqibimizə gəlincə isə Fransa yığması bizim komandanı düzgün qiymətləndirib, ciddi yanaşmalıdı”.

Qeyd edək ki, Fransa – İslandiya oyunu sabah keçiriləcək.