15 May 08:55 Daha bir ağırlıqqaldıranımız dopinqdə “ilişdi”
ATLETİKA xəbərləri 15 May 08:55
2203 baxış

Daha bir ağırlıqqaldıranımız dopinqdə “ilişdi”

Azərbaycan millisinin daha bir ağırlıqqaldıranda dopinq aşkarlanıb. Apasport.az saytının məlumatına görə, bu dəfə 19 yaşlı İsa Rüstəmovun orqanizmində istifadəsi qadağan olunan preparat aşkarlanıb.

 

Belə ki, həmyerlimizdən götürülən dopinq-test müsbət nəticə verib. 69 kq çəki dərəcəsində mübarizə aparan Rüstəmovun boldenone preparatından istifadə etdiyi məlum olub. Bu səbəbdən də Beynəlxalq Ağırlıqqaldırma Federasiyası ağırlıqqaldıranımızı 4 illik diskvalifikasiya edib. İdmançının cəza müddəti 2017-ci il noyabrın 24-dən başlayıb və 2021-ci ilin eyni günündə başa çatacaq.

 

Qeyd edək ki, Rüstəmov ötən ildən gənclər yığmamızın şərəfini qoruyur. O, 2017-ci ilin iyununda dünya və oktyabrında Avropa birinciliyinə qatılıb. İsanın ən yaxşı nəticəsi Albaniyada baş tutan qitə çempionatında qeydə alınıb. O, 6-cı yeri tutub.