Bu gün başa çatan Bakı-2015 I Avropa Oyunlarında ən çox medal qazanan idmançılar müəyyənləşib. Apasport.az saytının məlumatına görə, 7 dəfə çempion adına yiyələnən 16 yaşlı rusiyalı üzgüçü Arina Openışeva yarışların rekordçusu olub.
O, 7 qızılla yanaşı, 1 gümüş medala da sahib çıxıb. Bu göstərici ilə o, Avropa Oyunlarına qatılan 50 ölkədən 37-ni qabaqlayıb. Yalnız qeyri-rəsmi komanda hesabında ilk 13 yeri tutanlar Arinadan öndə qərarlaşıb.
Digər rusiyalı üzgüçü Mariya Kamenova ümumi medal sayında rekord vurub. Həmyerlisi ilə müqayisədə qızılı az olan Kamenova 9 dəfə fəxri kürsüyə qalxıb. O, 6 qızıl, 1 gümüş və 2 bürüncə yiyələnib.
6 çempionluq yaşayan daha bir idmançı – Polina Yeqorova da Rusiya üzgüçüsüdü. Qızıldan başqa, mükafat qazanmayan idmançı ümumi siyahıda 3-cüdü. Bu 3 idmançının aktivindəki 19 qızıl isə yalnız Azərbaycanın çempionluğundan azdı. Digər 48 iştirakçı ölkə isə rusiyalı “üçlüy”ə həsəd apara bilər.
Ümumilikdə, Bakı-2015 I Avropa Oyunlarında 10 idmançı 5 və daha çox medal qazanıb. Bu rekordçuların 9-u üzgüçülük, 1-i idman gimnastikasını təmsil edir. Üzgüçü olmayanlar arasında siyahıya düşən yeganə idmançı isə Azərbaycan gimnastı Oleq Stepkodu.
Təmsilçimizin yer aldığı “onluq”da 5 qadın, 5 kişi idmançı yer alıb. İlk 3 pilləsində qadınların yer aldığı cədvəldə ən yaxşı kişi atlet Danil Paxomovdu. Rusiyalı üzgüçü 4 qızıl və 1 gümüşə sevinib. Kişilər arasında yalnız 1 iştirakçı – medalların ümumi sayında Stepkonu arxada qoyub. Bu, böyük britaniyalı üzgüçü Dsnkan Skottdu. Onun hesabında 6 mükafat var. Stepko və digər 3 kişi idmançı 5 dəfə fərqlənib.
Maraqlıdı ki, 5 və daha çox medal alanlar arasında çempionluğa həsrət qalan da var. Bu da rusiyalı qız üzgüçülərin kölgəsində qalan böyük britaniyalı Jorjia Koatesdi.
5 və daha çox medal qazananların siyahısında Rusiya və Böyük Britaniya hərəyə 4, Azərbaycanla Hollandiya isə 1 idmançı ilə təmsil olunub. İlk “onluq”da yer alan 4 idmançı dörd və daha çox qızıl medala yiyələnib. Onlardan başqa üzgüçülər Anton Çupkov, Mariya Astaşkina, Vasilisa Buynaya və bədii gimnast Yana Kudryavtseva da eyni sayda çempionluq yaşayıb. Lakin onlar elə 4 medalla kifayətlənib.
Ən azı 5 medal qazananlar
yer |
Idmançı |
ölkə |
növ |
qızıl |
gümüş |
bürünc |
cəmi |
1 |
Arina Openışeva |
Rusiya |
üzgüçülük |
7 |
1 |
0 |
8 |
2 |
Mariya Kamenova |
Rusiya |
Üzgüçülük |
6 |
1 |
2 |
9 |
3 |
Polina Yeqorova |
Rusiya |
Üzgüçülük |
6 |
0 |
0 |
6 |
4 |
Danil Paxomov |
Rusiya |
Üzgüçülük |
4 |
0 |
1 |
5 |
5 |
Dankan Skott |
Böyük Britaniya |
üzgüçülük |
3 |
3 |
0 |
6 |
6 |
Marrit Stinberqen |
Hollandiya |
üzgüçülük |
1 |
5 |
0 |
6 |
7 |
Kameron Kurl |
Böyük Britaniya |
üzgüçülük |
1 |
4 |
0 |
5 |
8 |
Martin Uolton |
Böyük Britaniya |
üzgüçülük |
1 |
3 |
1 |
5 |
9 |
Oleq Stepko |
Azərbaycan |
İdman gimnastikası |
1 |
2 |
2 |
5 |
10 |
Jorjia Koates |
Böyük Britaniya |
üzgüçülük |
0 |
2 |
3 |
5 |