2020-ci il Yay Olimpiya Oyunlarını keçirməyə iddiaçı Tokio bununla bağlı hazırladığı Sifariş Kitabını hazırlayıb. Apasport.az saytının məlumatına görə, Yaponiya paytaxtı bu kitabı rəsmən Beynəlxalq Olimpiya Komitəsinə təqdim edib.

Yaponiya Olimpiya Komitəsinin prezidenti Tsunekadzu Takeda bildirib ki, belə möhtəşəm yarışın keçirilməsi ölkəsi üçün əsl hadisə olacaq. Maraqlıdır ki, Bakının hazırda rəqibi olan Tokio Olimpiada-2016-da da bizlə rəqib idi. Həmin vaxt BOK-un üzvləri Rio-de-Janeyroya üstünlük vermişdilər.

Qeyd edək ki, Olimpiada-2020-yə Bakı və Tokio ilə yanaşı, Roma, Madrid, İstanbul və Doha iddiaçıdır. Bakı isə Sifariş Kitabını bu gün təqdim edəcək.