Uruqvay yığmasının kapitanı Dieqo Luqano İngiltərə yığması ilə oyunda iştirak edə bilməyəcək. Apasport.az “Sky Sports”a istinadən xəbər verir ki, 33 yaşlı mərkəz müdafiəçisi sol dizində ağrı hiss edib və məşqə çıxa bilməyib.

Tibbi müayinə zamanı isə cərrah müdaxiləsinə ehtiyacın olduğu üzə çıxıb. “Fənərbaxça”nın sabiq oyunçusunun bərpası üçün isə müəyyən vaxta ehtiyac var.

Qeyd edək ki, Oskar Tabaresin komandasında “Liverpul”un ulduz hücumçusu Luis Suaresin İngiltərəyə qarşı oynaya biləcəyi dəqiqdir. O, Kosta-Rikaya 1:3 hesabı ilə yenildikləri matçda zədəli olduğu üçün ehtiyatda qalmışdı.