DÇ-2018-in bu gün keçiriləcək yarımfinalında üz-üzə gələcək İngiltərə və Xorvatiya indiyədək 7 dəfə qarşılaşıb. Apasport.az saytının məlumatına görə, 8-ci duel ərəfəsində britaniyalılar üstünlüyə malikdi.

Futbolun yaradıcıları 4 dəfə qalib gəlibsə, balkanlıların 2 qələbəsi var. Yalnız bir matç heç-heçə nəticələnib. İngiltərə top fərqində də üstündü – 18:10.

Keçirilən 7 matçdan ikisi yoxlama matçı olubsa, dördü seçmə mərhələlərə təsadüf edib. Final mərhələlərindəki yeganə duel isə AÇ-2004-də baş tutub və ingilislərin qələbəsi ilə başa çatıb.