Bu gün keçirilən DÇ-2018-in final oyununda Xorvatiyanı 4:2 hesabı ilə məğlub edən Fransa tarixində ikinci dəfə mundialın qalibi adını qazanıb. Apasport.az saytının məlumatına görə, “xoruzlar” dünya çempionatları tarixinə qızıl mükafatı ikinci dəfə qazanan üçüncü komanda kimi düşüb.

Bunadək keçirilən 20 yarışda 8 komanda qızıl medal qazanmışdı. Braziliya 5, Almaniya və İtaliya hərəyə 4, Argentina və Uruqvay isə hərəyə 2 dəfə hamıdan güclü olmuşdu. Fransa bu siyahıda 3-cü olub.

Əyar baxımından Braziliyanın başçılıq etdiyi cədvəldə ən çox medalı Almaniya qazanıb. Sonuncular 4 qızıl, 4 gümüş və 4 bürünc əldə edib.

Cənubi amerikalılar 5 qızıla qazansa da, gümüş və bürünclərinin sayı 2-di.

3-cü pillədə isə 4 çempionluğu olan İtaliyadı.

Fransa bu mükafatla 5-ci pilləyə yüksəlib.

Ümumilikdə isə 21 çempionatda 20 komanda hər hansı bir əyarlı medal qazana bilib.