Norveçin paytaxtı Osloda “Brilyant Liqa”nın V mərhələsi keçirilib. Apasport.az saytının məlumatına görə, Türkiyəni təmsil edən azərbaycanlı atlet Ramil Quliyev yarışda növbəti uğurunu qazanıb.

O, 200 m məsafəyə qaçışda finiş xəttinə birinci çatıb. Quliyev bu məsafəni 19,90 saniyəyə qət edib. Bununla, aktivindəki xalını 16-ya çatdıran idmançı ümumi sıralamadı 3-cü yerə şərikdi.

Qeyd edək ki, Quliyev eyni məsafəyə “Brilyant Liqa”nın bu il Dohada keçirilən mərhələsini 3-cü, Şanxaydakı yarışı isə 6-cı yerdə bitirib.