27 Mart 09:47 Boksçularımız Vilnüsdə 7 medal qazanıblar
DÖYÜŞ NÖVLƏRİ xəbərləri 27 Mart 09:47
558 baxış

Boksçularımız Vilnüsdə 7 medal qazanıblar

Litvanın paytaxtı Vilnüsdə gənc boksçular arasında Dan Poznyakın xatirəsinə həsr olunmuş ənənəvi beynəlxalq turnir başa çatıb. Apasport.az Boks Federasiyasının rəsmi saytına istinadən məlumat verir ki, 13-cü dəfə keçirilən yarışda Azərbaycan millisi 7 medal qazanıb.

 

Belə ki, bütün rəqiblərinə qalib gələn Nurlan Səfərov (60 kq) fəxri kürsünün ən yüksək pilləsinə qalxıb. Yalnız finalda məğlub olan Nəbi İsgəndərovla (56 kq) Zaur Musayev (81 kq) gümüş medalla kifayətləndiyi halda, Maqsud Xasmətov (49 kq), Həsən İbrahimov (52 kq), Nicat Həsənov (69 kq) və Məhəmməd Yusifov (75 kq) üçüncü yeri tutublar.

 

Yığmamız komanda hesabında 2-ci olub. Millimizi yalnız Rusiya boksçuları qabaqlayıblar.

Xəbər lenti