13 Yanvar 19:30 Ardanın maaşını kim ödəyəcək?
FUTBOL xəbərləri 13 Yanvar 19:30
810 baxış

Ardanın maaşını kim ödəyəcək?

Karyerasını “Başakşəhər”də davam etdirəcək Arda Turanın müqavilə şərtləri bəlli olub. Apasport.az saytının məlumatına görə, “Barselona”nın keçmiş üzvü yeni klubunda icarə əsasında çıxış edəcək.

 

Onunla 1.5+1 il müddətinə müqavilə bağlanıb. Artıq hər iki tərəf keçidi rəsmən elan edib. Kataloniya klubundan verilən açıqlamada bildirilib ki, futbolçunun başqa kluba keçid haqqı hələ də onlardadı. Amma “Başakşəhər”də oynadığı müddət yarımmüdafiəçinin bütün maaşını istanbullular ödəyəcəklər.

 

Arda “Barselona”da illik 4.5 milyon avro qazanırdı.

 

Qeyd edək ki, “Qalatasaray”ın yetirməsi olan Turan bir müddət “Manisaspor”da icarədə olmuş, 2011/12 mövsümündə “Atletiko”ya, 2015/16 mövsümündə isə “Barselona”ya keçmişdi. O, Türkiyə yığmasında 100 oyun keçirib və 17 qola imza atıb.