[b]Azərbaycan hakimləri Avropa Liqasında[/b]
12.07.2018 - 12:41
Azərbaycan hakimləri Avropa Liqasının I təsnifat mərhələsinin cavab oyunlarına təyinat alıb. Apasport.az saytının məlumatına görə, təmsilçilərimiz iyulun 19-da keçiriləcək qarşılaşmalarda ədaləti qoruyacaq.
Ömər Paşayev Monteneqroda yerli OFK və “B36 Torshavn” (Farer adaları) arasında görüşü idarə edəcək. Ona Namiq Hüseynov, Mübariz Haşımov və Əliyar Ağayev kömək edəcək.
“Zarya” (Moldova) – “Qurnik” (Polşa) matçında isə Rəhim Həsənov fit çalacaq. Onun köməkçiləri Yaşar Abbasovla Akif Əmirəli, dördüncü hakim isə Rauf Cabbarov olacaq.
Mənbə: affa.az
0
0