[b]ÇL: “Qarabağ”ın püşkatmada yeri dəqiqləşdi[/b]

21.04.2017 - 11:16

“Qarabağ”ın Çempionlar Liqasının II təsnifat mərhələsinin püşkatmasında hansı səbətdə yer alacağı dəqiqləşib. Apasport.az saytının məlumatına görə, iyunun 20-də keçiriləcək ilk iki təsnifat mərhələsinin püşkatmasına qatılacaq 15 komandanın səbətləri açıqlanıb.

Bu komandaların, həmçinin digər ölkələrdə çempionluq şansını qoruyanların UEFA əmsallarını nəzərə almaqla iştirakçılardan bəzilərinin səpələnmiş, bəzilərinin səpələnməmiş olduğu dəqiqləşib. Bəzi komandaların səbəti isə qeyri-müəyyəndi.

Püşkatmaya qatılanlar arasında əmsalına görə 3-cü olan “Qarabağ” səpələnmişlərdən olacaq. Çünki çempionu müəyyənləşməyənlərdən yalnız bəziləri onları keçə biləcək. Bu isə onların yüksək reytinqli “17-lik”də yerinin təmin olunması deməkdi.

Təmsilçimizin mübarizəyə başlayacağı II təsnifat mərhələsində 34 komanda iştirak edəcək. Püşkdə 29 komanda və I təsnifat mərhələsinin 5 cütü iştirak edəcək. Onlar püşk zamanı 2 səbətə bölünəcək. Artıq 6 komandanın səpələnmiş, 3-nün səpələnməmiş olduğu dəqiqdi. 3 iştirakçının səbəti isə bəlli deyil.

I təsnifat mərhələsinin 10 iştirakçısından yalnız TNS səpələnmişlər arasında yer alıb. Çempionluğu rəsmiləşən digər iki komanda isə səbətini bilmir.

Çempionlar Liqası

II təsnifat mərhələsi

Səpələnmişlər

“Seltik” (Şotlandiya) – 42,785

BATE (Belarus) – 29,475

“Qarabağ” (Azərbaycan) – 18,050

“Malmö” (İsveç) – 16,945

“Astana” (Qazaxıstan) – 16,800

“Rusenborq” (Norveç) – 12,665

İsrail çempionu

Danimarka çempionu