Bu gün DÇ-2018-in seçmə mərhələsinin sonuncu pley-off oyunu keçirilib. Apasport.az saytının məlumatına görə, Danimarka yığması İrlandiya ilə üz-üzə gəlib.

İlk dəfə mundialın pley-offunda oynayan danimarkalılar iki dəfə qitə çempionatı üçün həlledici duel həyəcanı yaşayıb. AÇ-2000-ə İsrail üzərində darmadağınla (5:0, 3:0) yüksələn şimallıları AÇ-2016-ya İsveç buraxmayıb.

16 ildən sonra mundiala yüksəlmək istəyən İrlandiya 8-ci dəfə pley-off oynamaqla Avropa rekordçusu olub. Bu yığma DÇ-2002, AÇ-2012 və AÇ-2016-ya bu mərhələdəki qələbə ilə yüksəlib. AÇ-1996, DÇ-1998, AÇ-2000, DÇ-2010-da isə irlandiyalıları pley-offda dayandırıblar.

Bu oyunda isə qalib müəyyənləşməyib. Ümumiyyətlə, azarkeşlər matçda qola şahid lik edə bilməyiblər. cütün taleyinə İrlandiyadakı cavab matçında aydınlıq gələcək.

DÇ-2018, pley-off oyunları

Avropa zonası, ilk oyunlar

11 noyabr

Danimarka – İrlandiya - 0:0