“Qəbələ” heyətinə daha bir futbolçu cəlb edib. Apasport.az xəbər verir ki, bölgə klubu sabiq hücumçusu Ekiqo Ehiosunu transfer edib. 2014/15 mövsümündə “Qəbələ”də oynamış, 29 oyunda 6 qola imza atmış nigeriyalı hücumçu hazırda azad agentdi. Məhz bu üzdən də “Qəbələ” rəhbərliyi sərbəst qalan futbolçunu heyətinə qatmaqda problemlə üzləşməyib. Ötən gün Qəbələyə gələn forvard artıq köhnə-yeni klubu ilə ilk məşqə də çıxıb. Bu gün isə tərəflərin rəsmi müqaviləyə imza atması gözlənilir.