Çempionlar Liqası II təsnifat mərhələsinin ilk matçında “Samtredia” ilə matçda zədələnərək meydanı erkən tərk edən “Qarabağ”ın müdafiəçisi Rəşad Sadıqovun durumuna aydınlıq gəlib. Apasport.az saytının məlumatına görə, kapitan 10 gün komandasına kömək edə bilməyəcək.

Bu isə o deməkdir ki, Sadıqov bu komandalar arasındakı cavab oyununda meydana çıxa bilməyəcək. Ancaq buna baxmayaraq, təcrübəli oyunçu səfər qarşılaşmasında komanda yoldaşlarını yalnız buraxmayacaq. Rəşad komanda ilə birlikdə bu axşam Tiflisə yola düşəcək heyətdə yer alıb.

Qeyd edək ki, “Samtredia” – “Qarabağ” görüşü iyulun 18-də keçiriləcək. Bu komandaların Bakıdakı ilk oyununda Ağdam klubu 5:0 hesabı ilə qalib gəlib.