23 Noyabr 01:32  "Kimi deyir var, kimi deyir yoxdu" – MÜSAHİBƏ
FUTBOL xəbərləri 23 Noyabr 01:32
3043 baxış

"Kimi deyir var, kimi deyir yoxdu" – MÜSAHİBƏ

Çempionlar Liqasında son ev oyununu keçirən “Qarabağ” böyükhesablı məğlubiyyətlə barışmalı oldu. Oyun başa çatdıqdan sonra Ağdam təmsilçisinin yarımmüdafiəçisi Mahir Mədətov apasport.az saytının əməkdaşının da suallarını cavablandırıb.

 

- Yenə böyükhesablı məğlubiyyət. Bu duel haqda nə deyə bilərsiniz?

- Hadisələrin bu cür cərəyan edəcəyini gözləmirdik. Oyuna yaxşı başlamışdıq, amma sonra hər şey dəyişdi.

 

- Rəşad qırmızı vərəqə ilə bağlı fasilədə nə dedi?

- Penalti olsa belə, hakim qırmızı vərəqə göstərməməli idi. Çox ağır qərar oldu.

 

- Bəs ikinci hissədə nə baş verdi? Yoğun idiniz, yoxsa sistem pozulmuşdu?

- “Çelsi” kimi komandaya qarşı oynamaq asan deyil. Təbii ki, belə rəqiblə oyunun ikinci hissədə yorğunluq hiss olurdu.

 

- Qurban Qurbanov birinci penaltidən sonra oyunçuları yanına çağırdı. Hətta bir anlıq komandanı meydandan çıxaracağını düşündük. Həmin vaxt nə dedi sizə?

- Diqqətli olmağımızı tapşırdı. Çünki meydanda 10 nəfərlə qalmışdıq. Buna görə də bir qədər motivasiya verməyə çalışdı. Sırf buna görə bizi yanına çağırdı.

 

- Sizcə, penalti var idi?

- Kimi deyir var, kimi deyir yoxdu. Mən epizoda baxmamışam.

 

- “Çelsi”nin paltardəyişmə otağına yaxınlaşdınız. Səbəbini açıqlaya bilərsiniz?

- Bizim Anton Konibolotski orda idi, ona yaxınlaşdım.

 

- Forma dəyişdirmədin?

- Xeyr, ona görə rəqibin otağına yaxınlaşmamışdım. Formamı dəyişmirəm, evdə anam yığır.

Xəbər lenti