Çempionlar Liqasının qrup mərhələsinin ilk turunda keçirilən “Çelsi” – “Qarabağ” oyunu yubiley xarakteri daşıyıb. Apasport.az saytının məlumatına görə, bu matç Azərbaycan futbolu tarixinə 40-cı böyük hesablı məğlubiyyət kimi düşüb.
Qitə miqyaslı turnirlərdə 1994-cü ildə debüt edən ölkəmizin azarkeşləri indiyədək 39 belə yenilginin acısını yaşamışdı. Klublarımız bu qədər böyük hesabı 300 matçda görmüşdü.
301-ci avrokubok sınağı isə 40-cı dəfə 3 və ya daha böyük fərqlə uduzmağımızla nəticələndi. “Qarabağ”ın “Çelsi”yə 0:6 hesabı ilə uduzması ilə 40-a çatan rəqəm 13 komandamızın payı var.
Hamıdan çox oyun keçirən Ağdam klubu 12 ağır məğlubiyyət alıb. İkinci olan “Neftçi” 6 darmadağın görüb. Daha bir köklü klub – “Kəpəz” 4 böyükhesablı məğlubiyyətlə 3-cüdü.
Klublarımızın böyükhesablı məğlubiyyətləri
1. “Qarabağ” - 12
2. “Neftçi” - 6
3. “Kəpəz” - 4
4-5. “Şəmkir” - 3
“Qəbələ” - 3
6-9. “Bakı” - 2
“Şəfa” - 2
“İnter” - 2
“Xəzər Lənkəran” - 2
10-13. “Turan” - 1
“Xəzri” - 1
“Viləş” - 1
“Simurq” - 1