Dirs Mertens “Napoli”dən ayrıla bilər. Apasport.az saytının məlumatına görə, belçikalı hücumçu ilə klub arasında yeni müqavilə ilə bağlı anlaşma əldə olunmayıb.

İtaliya mətbuatında gedən xəbərlərdə tərəflər arasında iki aydır davam edən danışıqların bir nəticə vermədiyi bildirilib.

Belə ki, Neapol təmsilçisinin prezidenti Aurelio De Laurentis Mertensin müqaviləsində yer alan “28 milyon avroya xarici kluba satıla bilər” maddəsini ləğv etmək istəyir. 31 yaşlı hücumçu isə öz gücünü İspaniya və ya İngiltərədə sınamaq istəyir.

Mertensin hazırkı müqaviləsinin müddəti 2020-ci ilə kimi nəzərdə tutulub.

Qeyd edək ki, A seriyasında bu mövsüm 32 oyunda meydana çıxan belçikalı 17 qola imza atıb.