“Neftçi”nin Avropa Liqasının I təsnifat mərhələsində “Uypeşt”lə keçirəcəyi ilk oyunun stadionu və başlama saatı açıqlanıb. Apasport.az-ın UEFA-nın rəsmi saytına istinadən məlumatına görə, qarşılaşma iyulun 12-də baş tutacaq.

Paytaxt təmsilçisi həmin gün macarları “Dalğa Arena”da qəbul edəcək. Görüş saat 21:00-da start götürəcək.

Qeyd edək ki, bu komandalar arasında cavab matçı iyulun 19-da Budapeştdə keçiriləcək.