“Neftçi” Avropa Liqası ilə darmadağınla vidalaşıb. Apasport.az saytının məlumatına görə, I təsnifat mərhələsinin “Uypeşt”lə Macarıstandakı qarşılaşmasında alınan 0:4 hesablı yenilgi “ağ-qaralar”ın avrokubok tarixinə 7-ci darmadağın kimi düşüb.
1995-ci ildə qitə səhnəsində debüt edən bakılılar bunadək 6 dəfə ağır məğlubiyyət almışdı.
“Neftçi” sonuncu belə məğlubiyyətə 6 il öncə üzülüb. 2012-ci ildə paytaxt klubu İsraildə “Hapoel”dən (Kiryat-Şmona) 4 qol buraxmışdı. 2178 gündən sonra böyük hesaba üzülən bakılılar yenə eyni fərqlə - 4 top fərqilə uduzub.
“Neftçi”nin avrokuboklardakı böyük hesablı məğlubiyyətləri
Kuboklar kuboku
10 avqust 1995. APOEL (Kipr) – “Neftçi” - 3:0
UEFA kuboku
24 iyul 1996. “Lokomotiv” (Sofiya, Bolqarıstan) – “Neftçi” - 6:0
Çempionlar Liqası
30 iyul 1997. “Vidzev” (Polşa) - “Neftçi” - 8:0
Çempionlar Liqası
26 iyun 2005. “Anderlext” (Belçika) – “Neftçi” - 5:0
Çempionlar Liqası
13 iyul 2011. “Dinamo” (Zaqreb, Xorvatiya) – “Neftçi” - 3:0
Çempionlar Liqası
1 avqust 2012. “Hapoel” (Kiryat-Şmona, İsrail) – “Neftçi” - 4:0
Avropa Liqası
19 iyul 2018. “Uypeşt” (Macarıstan) – “Neftçi” – 4:0