Çexiyanın paytaxtı Praqada keçirilən “All Stars Cup” turnirinə yekun vurulub. Apasport.az-ın “Qəbələ”nin saytına istinadən məlumatına görə, bu klubun 16 yaşadək futbolçulardan ibarət komandası yarışın son oyun günündə 3 matç keçirib.
9-16-cı yerlər uğrunda mübarizə aparan “qırmızı-qaralar” öncə Çexiya “Fastav Jlin”i ilə qarşılaşıb. Qolsuz bitən görüşdə penaltiləri daha dəqiq yerinə yetirən meydan sahibləri qalib gəlib – 5:4. Çexiyanın digər təmsilçisi “Slovaçko”ya 0:2 hesabı ilə uduzan “Qəbələ” son qarşılaşmada Türkiyə “Beşiktaş”ı ilə üz-üzə gəlib. Qolsuz bitən görüşdə “qırmızı-qaralar” penaltilərlə qalib gəlib – 6:5. Beləliklə, “Qəbələ” turniri 15-ci yerdə başa vurub.
Turnirin qalibi adına isə finalda Almaniya “Herta”sına 2:0 hesabı ilə qalib gələn İspaniya “Barselona”sı yiyələnib.