19 Fevral 14:53 “Renat Dadaşovdan razı qaldım” - “Ayntraxt”ın yeni baş məşqçisi
FUTBOL xəbərləri 19 Fevral 14:53
3154 baxış

“Renat Dadaşovdan razı qaldım” - “Ayntraxt”ın yeni baş məşqçisi

Azərbaycan millisinin hücumçusu Renat Dadaşov üçün klubu “Ayntraxt”da yeni şans yaranıb. Apasport.az saytının Almaniya mətbuatına istinadən məlumatına görə, gənc forvardın U-19 komandasının heyətində meydana çıxması və qol vurması ona olan inamı geri qaytarıb.

 

“Ayntraxt”ın U-19 komandasına yeni baş məşqçi təyin olunan Frank Leyxt yığmamızın üzvünə güvənir. O, Almaniya Gənclər Bundesliqasının cənub zonasında “Karlsrue” ilə görüşdə həmyerlimizə 90 dəqiqə şans verib və Renat qələbə qolunun müəllifi olub.

 

Əsas komandanın baş məşqçisi Niko Kovaç və meneceri Bruno Hübnerin canlı izlədiyi görüşdən sonra Leyxt hücumçumuzu tərifləyib: “Renat da, digərləri də gənc futbolçulardı. Bəzən onları bağışlamaq lazım gəlir. Bu yaşda hər kəs səhv edə bilər. Şəxsən mən Renatdan razı qaldım. O, istədiyim kimi oyun keçirdi”.

 

Qeyd edək ki, ötən il “Ayntraxt”ın U-17 komandasını çalışdıran Frank Leyxt bir həftə əvvəl U-19-a təyin edilib.

Xəbər lenti