Beynəlxalq Futbol Tarixi və Statistikaları Federasiyası (İFFHS) 2017-ci ilin arxada qalan 6 ayının yekunlarına əsasən dünyanın ən yaxşı bombardirlərinin siyahısını açıqlayıb. Apasport.az saytının məlumatına görə, cədvəldə beynəlxalq oyunlarda ən azı 6 top vuranlar yer alıb.

Milli komanda və qitə kuboklarında vurulan qol sayında 29 futbolçu bu normativi ödəyib. Portuqaliya yığmasında 7, “Real”da 10 qol vuran Kriştianu Ronaldo ümumilikdə 17 topla aşkar liderdi.

KXDR yığmasında 1, “Aprel 25”də 9 dəfə fərqlənən Kim Yu Sonq 2-ci pillədə qərarlaşıb. 9 qol vuran Mehdi Taremi ilk “üçlüy”ü qapayır. O, İran millisində 3, “Persepolis”də 6 dəfə qol sevinci yaşayıb.

İFFHS-in cədvəlində Azərbaycan təmsilçiləri yer almayıb. İlk yarımillikdə ən çox fərqlənən “İnter”in rumıniyalı legioneri Adrian Skarlatakedir. Müdafiəçimizin hesabında 2 top var.