Bu gün Azərbaycan millisi növbəti oyununu keçirib. Apasport.az saytının məlumatına görə, yığmamız Riqada Latviya ilə qarşılaşıb.

Komandamızın 3:1 hesablı qələbəsi ilə başa çatan görüş heyətdəki 22 futbolçudan 3-ü üçün əlamətdar olub. Belə ki, həmin oyunçular yığmanın heyətində yubiley matçlarına çıxıblar.

Zədədən qayıdan Bədavi Hüseynov sonlarda şans qazanaraq, 35-ci dəfə milli forma geyinib. Namiq Ələsgərov isə 15-i tamamlayıb.

Bu oyuna qədər yığmada 4 oyunda meydana çıxmış Təmkin Xəlilzadə isə mini yubileyi qeyd edib.

Komandamızın heyətində təlim-məşq toplanışında olan, amma heç bir matçda forma geyinməmiş Slavik Alxasovun debütü yenə baş tutmayıb.