“Barselona”nın sabiq yarımmüdafiəçisi Andres İnyesta karyerasını “Vissel Kobe”də davam etdirəcək. Apasport.az saytının məlumatına görə, yapon klubu rəsmi saytı vasitəsilə ispan futbolçunun transferini bəyan edib.

Mayın 26-da “Vissel Kobe”nin stadionunda Andres İnyestanın rəsmi təqdimat mərasimi keçiriləcək.

İnyestanın “Vissel”lə 3 illik anlaşmaya vardığı və yeni iş yerində ilinə 30 milyon dollar qazanacağı bildirilir.

Qeyd edək ki, sözügedən klubun sahibi “Barselona”nın forma sponsoru “Rakuten”in baş direktoru Hirosi Mikitanidi.