Argentina yığmasının keçmiş yarımmüdafiəçisi Xuan Roman Rikelme futbolla vidalaşıb. Apasport.az saytının məlumatına görə, məşhur futbolçu 37 yaşında karyerasını bitirmək qərarına gəlib.

Son olaraq “Argentinos Xuniors” klubunun formasını geyinən Rikelme qərarını belə izah edib: “Hər şeyin əvvəli olduğu kimi sonu var. Futboldan getmək istəməzdim. Amma bu, əvvəl-axır olmalı idi. Yaxşı karyera sahibi olduğuma əminəm”.

Qeyd edək ki, Argentina millisində 51 oyunda 17 qol vurmuş Rikelme karyerası ərzində “Boka Xunyors”, “Barselona” və “Vilyareal” klublarının da formasını geyinib.