Bu gün Türkiyə PTT I Liqasında XVIII tura start verilib. Apasport.az saytının məlumatına görə, açılış matçında millimizin üzvü Cavid İmamverdiyevin şərəfini qoruduğu “Elazığspor” doğma azarkeşləri önündə lider “Osmanlıspor”la qarşılaşıb.

Qonaqların vurduğu 3 cavabsız qoldan sonra təmsilçimizin komandası uduzub - 0:3.

Bu görüşdə İmamverdiyev meydana start heyətdə çıxıb. 90 dəqiqə mübarizə aparan Cavid Elazığ təmsilçisini məğlubiyyətdən xilas edə bilməyib.

Qeyd edək ki, aktivində 23 xal olan “Elazığspor” turnir cədvəlinin 10-cu pilləsində yer alır.