Gürcüstanın paytaxtı Tiflisdə şahmat üzrə Qran-pri turnirində turun son görüşləri keçirilib. Apasport.az saytının məlumatına görə, III mərhələnin XI oyun günündə həmyerlilərimiz Teymur Rəcəbov və Şəhriyar Məmmədyarov turniri yenə heç-heçə ilə başa vurub.
Belə ki, Rəcəbov ötən gündən çempionluğunu təmin edən rusiyalı şahmatçı Yevgeni Tomaşevski ilə, Məmmədyarov isə onun həmyerlisi Pyotr Svidlerlə “sülh”ə razılaşıb.
Beləliklə, qrossmeysterlərimizdən Teymur Rəcəbov turnirdə 3-cü, Şəhriyar Məmmədyarov isə 3-cü yerə sahib olub.
XI tur
Şəhriyar Məmmədyarov (Azərbaycan) – Pyotr Svidler (Rusiya) – 0,5:0,5
Yevgeni Tomaşevski (Rusiya) – Teymur Rəcəbov (Azərbaycan) – 0,5:0,5
Dmitri Yakovenko (Rusiya) – Rüstəm Qasımcanov (Qazaxıstan) – 0,5:0,5
Baadur Jobava (Gürcüstan) – Dmitri Andreykin (Rusiya) - 0,5:0,5
Aleksandr Qrişuk (Rusiya) – Maksim Vaşye-Laqrav (Fransa) – 0,5:0,5
Aniş Giri (Hollandiya) – Leynier Dominques (Kuba) – 0,5:0,5
Turnir cədvəli: Tomaşevski – 8, Yakovenko – 6,5, Rəcəbov – 6, Məmmədyarov, Qasımcanov, Giri, Dominques - 5,5, Jobava, Qrişuk, Vaşye-Laqrav – 5, Svidler – 4, Andreykin – 4.