Avropa Liqasında 1/4 final mərhələsinin ilk oyunları keçirilib. Apasport.az saytının məlumatına görə, qitənin ikinci dərəcəli klub turnirinin 8 ən güclüsü qüvvələrini sınayıb.

Yarışın son qalibi “Sevilya” İspaniyada “Zenit”i qəbul edib. Kuboku ayrı-ayrı illərdə qazanmış komandalar növbəti uğur üçün meydana çıxıb. Hesabda geri düşən Pireney təmsilçisi yalnız sona yaxın qalib gəlməyi bacarıb. Ukraynanın “Dnepr” klubu isə səfərdə Belçika təmsilçisi “Brügge” ilə qolsuz bərabərliyə razılaşıb.

İtaliyanın hər iki klubu ilk qarşılaşmasını səfərdə keçirib. “Fiorentina” Ukraynada Kiyev “Dinamo”su ilə matçda uzun müddət qol vurmağa çalışsa da, yalnız bir dəfə fərqlənib ki, bu da nəticənin heç-heçə yekunlaşmasına gətirib çıxarıb. “Napoli” isə Almaniyada “Volfsburq”a əməlli-başlı futbol dərsi keçib. Belə ki, Neapol şəhərinin komandası Bundesliqada ikinci pillənin sahibinə aman verməyib. Böyükhesablı qələbə italiyalıların yarımfinal qapısını daha erkən açıb.  

Qeyd edək ki, 1/4 final mərhələsinin cavab oyunları aprelin 23-də keçiriləcək.

Avropa Liqası

1/4 final, ilk oyunlar

16 aprel

“Sevilya” (İspaniya) – “Zenit” (Rusiya) - 2:1

Qollar:  Karlos Bakka, 73; Denis Suares, 88; - Aleksandr Ryazantsev, 29; 

Baş hakim: Bas Niyhuis (Hollandiya)

Sevilya. Ramon Sançes Pisxuan stadionu

“Sevilya”: Riko Qonzalez, Benoit Tremulinas, Klodzeyçak, Nikolas Parexa, Koke, Krıxovyak, Reyes (k), İborra, Baneqa, Aleyks Vidal, Qameyro.

Baş məşqçi: Unayi Emeri.

“Zenit”: Lodıqin, Anyukov, Lombarts (k), Luiş Netu, Qaray, Rodiç, Aleksandr Ryazantsev, Şatov, Xavi Qarsiya, Vitsel, Rondon.

Baş məşqçi: Andre-Villaş Boaş

“Brügge” (Belçika) – “Dnepr” (Ukrayna) - 0:0

Baş hakim: Damir Skomina (Sloveniya)

Brügge. Yan Beydel stadionu

“Brügge”: Metyu Rayan, Devi de Faub, Lourens de Bok, Mexele, Simons (k), Silva, Vaskes, Rafaelov, Vormer, İskyerdo, Ulare.

Baş məşqçi: Mişel Pryudom.

“Dnepr”: Boyko, Duqlas, Luçkeviç, Fedetski, Kankava, Leo Matos, Çeberyaçko, Valeri Fyodrçuk, Ruslan Rotan (k), Nikola Kaliniç, Konoplyanka.

Baş məşqçi: Miron Markeviç.

“Dinamo” (Ukrayna) – “Fiorentina” (İtaliya) - 1:1

Qollar: Jermeyn Lens, 36; - Babakar, 90;

Baş hakim: Şimon Marçinyak (Polşa)

Kiyev. Olimpiya stadionu

“Dinamo”: Şovkovski (k), Danilo Silva, Antuneş, Draqoviç, Xaçeridi, Sidorçuk, Rıbalka, Buyalski, Jermeyn Lens, Yarmolenko, Teodorçik, Vida.

Baş məşqçi: Sergey Rebrov.

“Fiorentina”: Neto, Qonzalo Rodriqez (k), Stefan Saviç, Markos Alonso, Nenad Tomoviç, Badel, Fernandes, Xoakin, Borxa Valero, Mario Qomez, Mohammed Salah.

Baş məşqçi: Vinkenzo Montella.

“Volfsburq” (Almaniya) – “Napoli” (İtaliya) - 1:4

Qollar:  Niklas Bendtner, 80; - Qonzalo İquain, 15; Marek Hamşik, 23; 64; Qabbiadini 77;

Baş hakim: Antonio Masteu Latos (İspaniya)

Volfsburq. “Volfsburq Arena”

“Volfsburq”: Benaldo (k), Naldo, Knoxe, Rodriqes, Kalidcuri, Kevin de Bröyn, Şürle, Luis Qustavo, Gilyavoqi, Vieyrinya, Bas Dost.

Baş məşqçi: Diter Hekkinq.

“Napoli”: Anduxar, Britos, Maggio, Qulyam, Raul Albiol, Mertens, Marek Hamşik (k), David Lopes, Gökhan İnler, Kalyexon, Qonzalo İquain.

Baş məşqçi: Rafael Benitez.