İngiltərə Premyer Liqasında XXXIII turun oyunları başa çatıb. Apasport.az saytı xəbər verir ki, mərkəzi görüş Londonda təşkil olunub.

Belə ki, zirvədə qərar tutaraq inamla irəliləyən “Çelsi”, son zamanlar stabil oyunu ilə göz oxşayan “Mançester Yunayted"lə qarşılaşıb. Gərgin keçən qarşılaşmanın taleyini bir qol həll edib. Eden Azar komandasına minimal hesablı qalibiyyət və 3 xal bəxş etməyi bacarıb.  

“Mançester Siti” həmşəhərlilərinin xal itkisindən yetərincə faydalanıb. Ötən həftəki derbi fiaskosunun ardından “Vest Hem”i məğlub etməklə azarkeşlərini sevindirib.

“Nyukasl” - “Tottenhem” görüşü də gərginliyi ilə yadda qalıb. Avrokuboklara vəsiqə uğrunda inamla mübarizə aparan qonaqlar 3 xalı 3 qolla qazanıb. Müdafiədəki futbolu ilə əla təsir bağışlayan “Sauthempton” səfərdə “Stok Siti”yə boyun əyib.

İngiltərə Premyer Liqası

XXXIII tur

18 aprel

“Kristal Pelas” – “Vest Bromviç” - 0:2

Qollar: Ceyms Morrison, 2; Kreyq Qardner, 53;

“Everton” – “Börnli” - 1:0

Qol: Kevin Miralyas

“Lester” – “Suonsi Siti” - 2:0

Qollar: Xose Leonardo Ulloa, 15; Endi Kinq, 90 

“Stok Siti” – “Sauthempton” - 2:1

Qollar: Diuf, 47; Çarli Adam, 84 - Morqan Şnederlen, 22

“Çelsi” – “Mançester Yunayted” - 1:0

Qol: Eden Azar, 38

19 aprel

“Mançester Siti” – “Vest Hem” - 2:0

Qollar: Vinston Reyd, 17 (avtoqol); S.Aquero, 36  

“Nyukasl” – “Tottenhem” - 1:3

Qollar: C.Kolbak, 46 - Naser Şadli, 30; K. Eriksen, 53; Harri Keyn, 90