Türkiyə Superliqasında XXVII turun oyunlarına start verilib. Apasport. az saytının məlumatına görə, bir həftəlik təxirəsalmanın ardından növbəti qarşılaşmalara başlanılıb.

Bu turda Şota Arveladzenin komandası “Kasımpaşa” öz meydanında “Beşiktaş”ı qəbul edib. "Qara qartallar"dan bu görüşdən 5:1-lik qələbə ilə ayrılıb. Çempionluğu hədəfləyən “Fənərbaxça”nı çətin oyunda sona 6 dəqiqə qalmış bir topla "Bursaspor”u məğlub edib. Yekunda turnir cədvəlinin ən üst mövqeyinə yüksəlib. "Bursaspor" isə növbəti mövsüm Avrokuboklara qatılmaq şanlarını bir qədər də çətinə salıb.

Turun mərkəzi qarşılaşmasında isə “Trabzonspor”  “Qalatasaray”dan 3 xal “qoparmaq” üçün əlindən gələni ortaya qoyub. Tərəflər arasında ilk görüş Qara dəniz təmsilçisinin 3:0 hesablı qələbəsi ilə başa çatmışdı. O zaman “Trabzonspor”un baş məşqçisi Ersun Yanal postuna təzə başlamışdı. Çalışdırıcı bu dəfə də nikbin danışmaqdan çəkinmədi və onun komandası "cimbom" üzərində inamlı qələbəni bayram etdi. 

Türkiyə Superliqası

XXVII tur

17 aprel

“Qaziantepspor” – “Konyaspor” – 1:1

Qollar: Çiko, 11 – Dimitar Rangelov, 73

18 aprel

“Karabükspor” – “Gənclərbirliyi” - 2:1

Qollar: Fatih Candan,16; Furkan Özcal, 66 - Mervan Çelik,26 

“Kasımpaşa” – “Beşiktaş” - 1:5

Qollar:  Tunay Torun, 41 - Mustafa Pektemek, 3; Demba Ba, 38; Ramon Motta, 50; Olcay Şahan, 76; Sosa, 86

19 aprel

“Kayseri Ərciyəsspor” – “Əskişəhərspor” - 0:1

Qol: Sezgin Coşkun, 45

“Sivasspor” – “Balıkəsirspor” - 1:1

Qollar: Batuhan Karadeniz, 77 - Berkan Emir, 72

“Başakşəhərspor” – “Rizəspor” - 3:1

Qollar: M. Tekdemir,28; Edin Viska, 76; Sedat Ağçay, 89 - L. Kveuke, 69

“Trabzonspor” – “Qalatasaray” - 2:1

Qollar: Özer Hurmacı, 20; Karl Medjani, 85 - Emre Çolak, 67

20 aprel

“Fənərbaxça” – “Bursaspor” - 1:0

Qol: Pyer Vebo, 84

“Mersin İdman Yurdu” – “Akhisar Bələdiyyəspor” - 1:1

Qollar: Gökçek Vederson, 56 (pen.) - Bilal Kısa, 90