Vüqar Həşimovun xatirəsinə həsr olunan “Shamkir Chess 2015” beynəlxalq turnirində bu gün sonuncu IX turun oyunları keçirilir. Apasport.az saytının məlumatına görə, Azərbaycan qrossmeysterləri bu dəfə fərqli rəqiblərlə üz-üzə gəliblər.
Ötən turda Vişvanatan Ananda məğlub olan Şəhriyar Məmmədyarov ingilis Maykl Adamsla qarşılaşıb. Bu görüşdə tərəflər bərabərliyə qalıb. Rauf Məmmədov isə norveçli dünya çempionu Maqnus Karlsenlə 4 saatlıq mübarizədə güclü rəqibinə məğlub olub.
Turnirin ikinci pilləsində qərarlaşan hindistanlı Vişvanatan Anand isə son turda Fabiano Karuana ilə münasibətlərinə aydınlıq gətirib. Bu oyunda da heç-heçə qeydə alınıb.
Beləliklə, beynəlxalq turnirin qalibi məğlubedilməz Maqnus Karlsen olub. O, 9 görüşün 5-də qalib gəlib, qalan 4 oyunda isə heç-heçə edib.
26 aprel
IX tur
Şəhriyar Məmmədyarov ( Azərbaycan, 2754) – Maykl Adams ( İngiltərə, 2746) - 0,5:0,5
Fabiano Karuana ( İtaliya, 2802) - Vişvanatan Anand ( Hindistan, 2791) - 0,5:0,5
Maqnus Karlsen ( Norveç, 2863) – Rauf Məmmədov ( Azərbaycan, 2651) - 1:0
Aniş Giri ( Hollandiya, 2790) – Vladimir Kramnik ( Rusiya, 2783) - 0,5:0,5
Vaşye-Laqrav ( Fransa, 2762)- Uesli So ( ABŞ, 2788) - 0,5:0,5
Turnir cədvəli: Karlsen - 7 xal, Anand - 6, So, Karuana -5, Məmmədyarov, Kramnik - 4, Vaşye-Laqrav, Adams, Məmmədov, Qiri - 3,5 xal.