"Qəbələ" çempiona 4 verdi
21.05.2015 - 22:36
Topaz Premyer Liqasının sabah keçiriləcək XXXV turunda istirahət edəcək “Qəbələ” yoxlama oyunu keçirib. Apasport.az saytının klubun rəsmi saytına istinadən məlumatına görə, mövsümün sonuncu turunun “Bakı” ilə ev oyununa hazırlaşan “qırmızı-qaralar” bu matçı da doğma meydanda keçirib. Roman Qriqorçukun yetirmələri I divizionun qalibi “Neftçala”nı sınağa çəkib.
Oyun qəbələlilərin 4:0 hesablı qələbəsi ilə başa çatıb. Komandanın qollarına Sivakov, Mendi, Ekiqo və Ramil Həsənov imza atıb.
0
0