İspaniya La Liqasında XXXVIII turun oyunları keçirilib. Apasport.az saytının məlumatına görə, turun bütün matçları eyni gündə baş tutub.

"Barselona"nın çempionluğu, "Real"ın isə gümüş medal alacağı bir neçə tur öncədən məlum idi. Elə "Atletiko"nun bürüncü də artıq dəqiqləşmişdi.

Dördüncü yer, yəni Çempionlar Liqasına son vəsiqə uğrunda isə "Sevilya" və "Valensiya" mübarizə aparaırdı. "Almeriya"nı məğlub edən "yarasalar" özü ÇL-yə, rəqibi "sequndaya" yola düşdü.

"Sevilya" isə səfərdəki "Malaqa" qalibiyyətinə rəğmən 5-ci sırada qalası oldu.

Uyğun olaraq iki mükafatçı - "Barselona" və "Atletiko Madrid"lə heç-heçə oynamağı bacarmış "Deportivo" və "Qranada" La Liqada qalmağı bacardılar.

Turun son oyununda "Real" "Hetafe"nin qapısından 7 top keçirdi. Bu qollardan 3-nü öz aktivinə yazan Ronaldo Primeradakı qol sayını 48-ə yüksəldərək bombardirliyini rəsmiləşdirdi.

İspaniya La Liqası

XXXVIII tur

“Levante” – “Elçe” - 0:0

“Almeriya” – “Valensiya” - 2:3

Qollar: Teye, 9, Soriano, 37 - Otamendi, 28, Fequli, 45+1, Pako, 80

“Atletik Bilbao” – “Vilyareal” - 4:0

Qollar: Aduriz, 25, 60, İraloa, 29, Eçeberia, 36

“Barselona” – “Deportivo” - 2:2

Qollar: Messi, 5, 59 - Perez, 67, Saloma, 76

“Selta” – “Espanyol” - 3:2

Qollar: Mallo, 38, Gabral, 58, Nolito, 76 - Stuani, 23, 48

“Eybar” – “Kordoba” - 3:0

Qollar: Arruabarena, 6, Navas, 11, Kapa, 34

“Qranada” – “Atletiko Madrid” - 0:0

“Malaqa” – “Sevilya” - 2:3

Qollar: Querra, 67, 90+2 - Reyes, 52, Baneqa, 55, Vidal, 61

“Rayo Valekano” – “Real Sosyedad” - 2:4

Qollar: Bueno, 42, Morsilo, 64 - Vela, 19, 21, Akireçe 73, Elustondo, 75

“Real Madrid” – “Hetafe” - 7:3

Qollar: Ronaldo, 13, 32, 34, Çikarito, 47, Xames Rodrigez, 52, Xese, 71, Marselo, 90 - Eskudero, 23, Kastro, 26, Laken, 42

Bombardirlər: Kriştianu Ronaldo (“Real”) – 48 qol, Lionel Messi (“Barselona”) - 43