“Barselona”nın braziliyalı müdafiəçisi Dani Alveş karyerasını Fransada davam etdirəcək. Apasport.az saytı İtaliya mətbuatına istinadən xəbər verir ki, braziliyalı futbolçu PSJ ilə ilkin razılığa gəlib.

Alveş Paris təmsilçisi ilə 3 illik müqavilə imzalayacaq. Razılaşmaya əsasən, o, yeni klubunda ilinə 3 milyon avro məvacib alacaq.

32 yaşlı müdafiəçi mayın 26-da “Barselona”dan ayrılacağını rəsmən elan edəcək.

Qeyd edək ki, “Barselona”ya 2008-ci ildə “Sevilya”dan transfer olunan Alveş Kataloniya klubunda bu vaxta qədər 341 oyunda 20 qola imza atıb.