Almaniya Bundesliqasında XXXIV turun oyunları keçirilib. Apasport.az saytının məlumatına görə, turun bütün oyunları eyni saatda başlayıb.

Son turun oyunları ilə bərabər həm medalçıların, həm də ikinci bundesliqaya düşənlərin kimliyi bəlli olub.

Çempionun “Bavariya” olacağı bir neçə tur əvvəlcədən məlum olsa da, ikincilik və üçüncülük uğrunda mübarizə son tura kimi davam edirdi.

“Köln”lə bərabərə qalan “Volfsburq” “Borussiya” Münhenqladbaxın “Auqusburq”a məğlubiyyətindən sonra ikinciliyi təmin etmiş oldu.

Münhenqladbaxlılar isə üçüncülüklə kifayətlənməli oldular.

İkinci diviziona son olaraq kimin düşəcəyi də son tura qalmışdı. “Frayburq” və “Paderborn”un ikinci diviziona düşəcəyi dəqiqləşib.

"Hamburq" isə Bundesliqada qalmaq üçün play-off oynayacaq.

Almaniya Bundesliqası

XXXIV tur

“Borussiya” (M) – “Auqsburq” – 1:3

Qollar: Raffael, 36 – Hoybyerq, 72, Matavz, 77, Molders, 90+5

“Bavariya” – “Maynts” – 2:0

Qollar: Levandovski, 25 (pen.), Şvaynştayqer, 48

“Borussiya” (D) – “Verder” – 3:2

Qollar: Kaqava, 15, Aubemeyanq, 17, Mxitaryan, 42 – Öztunalı, 26, Cebre Selasse, 85

“Ayntraxt” – “Bayer” – 2:1

Qollar: Seferoviç, 4, Madlunq, 39 – Bellarbi, 6

“Hamburq” – “Şalke” – 2:0

Qollar: Oliç, 49, Raykoviç, 58

“Hannover” – “Frayburq” – 2:1

Qollar: Kiyotake, 3, Krmpas, 84 (öz qapısı) – Ptersen, 90+2

“Hoffenhaym” – “Herta” – 2:1

Qollar: Modeste, 8, Firmino, 80 – Beerens, 72

“Köln” – “Volfsburq” – 2:2

Qollar: Osako, 3, Knoke, 61 (öz qapısı) – Qustavo, 8, Perisiç, 15

“Paderborn” – “Ştutqart” – 1:2

Qollar: Vuçinoviç, 4 – Didavi, 36, Gincek, 72

Bombardirlər: Aleksandr Meyer (“Ayntraxt”) – 19 qol; Aryen Robben (“Bavariya”) – 17; Robert Levandovski (“Bavariya”) - 16