Bakı-2015 I Avropa Oyunlarının sambo yarışları başa çatıb. Apasport.az saytının məlumatına görə, bir gün davam edən yarışda 8 dəst medal sahibini tapıb.

Həm kişilərin, həm qadınların 4 dəst medal uğrunda mübarizə apardığı turnir Rusiya millisinin aşkar qələbəsi ilə nəticələnib. Bütün çəki dərəcələrində medal qazanan şimal qonşularımız 5 qızıl və 3 bürüncə yiyələnib.

Belarus və Serbiya idmançıları da çempionluq sevinci yaşayıb. Belaruslular yalnız 1 çəki dərəcəsində medalsız olmaqla, 2-ci olub. Hesabına 4 gümüş medal yazan Azərbaycan yığması Avropa Oyunlarının 4-cüsü olub.

Qeyd edək ki, yığmamızın heyətində İslam Qasımov (57 kq), Amil Qasımov (74 kq), Vasif Səfərbəyov (+100 kq), Nəzakət Xəlilova (52 kq) gümüş medala yiyələnib.