“Bakıda keçirilən Avropa Oyunları London Olimpiadasından heç nədə geri qalmır”. Apasport.az saytının məlumatına görə, bu sözləri Bolqarıstan yığmasının atıcısı Antuanetta Boneva deyib.

Bakı-2015 I Avropa Oyunlarında tapança ilə 25 metr məsafədən atəş açmaqda gümüş medal qazanan idmançı vətəninə qayıdıb. Boneva Sofiyada yerli mətbuata açıqlamasında Avropa Oyunları haqda fikirlərini bildirib: “Hətta Avropa Oyunları 3 il əvvəlki yarışla müqayisədə daha çox xoşuma gəldi. Bakıda gördüklərimlə bağlı xoş təəssüratları ömür boyu unutmayacağam. Azərbaycan paytaxtını yalnız müsbət hisslərlə tərk etdim”.