Bu gün futzal üzrə dünya çempionatının Avropa zonası üzrə seçmə mərhələsinin püşkü atılıb. Apasport.az saytının məlumatına görə, İsveçrənin Nyon şəhərindəki tədbirdə təsnifat və əsas mərhələnin iştirakçıları qruplara bölünüb.
2016-cı il sentyabrın 14-dən oktyabrın 2-dək Kolumbiyada keçiriləcək final mərhələsinə 7 vəsiqəyə iddia edən 45 Avropa təmsilçisi 3 mərhələdə qüvvəsini sınayacaq. Azərbaycan millisi 23 komandanın 6 qrupda çıxış edəcəyi təsnifat mərhələsindən azaddı.
A qrupu: Gürcüstan, Moldova, Andorra, Cəbəllütariq
B qrupu: Yunanıstan, Monteneqro, İsveç, San-Marino
C qrupu: Fransa, Litva, Albaniya, Malta
D qrupu: Latviya, Ermənistan, Kipr, Estoniya
E qrupu: İsrail, İngiltərə, Danimarka, Uels
F qrupu: Finlandiya, Bolqarıstan, İsveçrə
Yalnız qrup qaliblərinin vəsiqə qazandığı növbəti mərhələyə 22 komanda birbaşa qatılacaq. Bu 28 yığma 7 qrupa bölünüb.
Millimiz Xorvatiyada mübarizə aparacaq 2-ci qrupda çıxış edəcək. Yığmamız meydan sahibləri, Belarus, həmçinin Yunanıstan, Monteneqro, İsveç, San-Marinonun yer aldığı B qrupunun qalibi ilə matçlarda qüvvəsini sınayacaq.
1-ci qrup: Ukrayna, Macarıstan, Belçika, E qrupunun qalibi
2-ci qrup: Xorvatiya, AZƏRBAYCAN, Belarus, B qrupunun qalibi
3-cü qrup: Rusiya, Serbiya, Türkiyə, F qrupunun qalibi
4-cü qrup: İspaniya, Hollandiya, Bosniya və Herseqovina, D qrupunun qalibi
5-ci qrup: Çexiya, Sloveniya, Qazaxıstan, C qrupunun qalibi
6-cı qrup: Portuqaliya, Rumıniya, Polşa, Norveç
7-ci qrup: İtaliya, Slovakiya, Makedoniya, A qrupunun qalibi
Qeyd edək ki, təsnifat mərhələsi bu il oktyabrın 22-25-də, əsas mərhələ dekabrın 10-13-də keçiriləcək. Hər qrupdan iki komandanın yüksələcəyi pley-offun qarşılaşmaları isə 2016-cı il martın 22-də və aprelin 12-də baş tutacaq.