“Qalatasaray” uzun müddətdi danışıq apardığı Lukas Podolski ilə nəhayət müqavilə imzalayıb. Apasport.az saytının məlumatına görə, bu sabah İstanbula gələn futbolçu ilə bu saatlarda rəsmi anlaşma imzalanıb.

Alman futbolçu ilə müqavilənin müddəti 3 illik nəzərdə tutulub. “Qalatasaray” istəsə anlaşma bitdikdən sonra daha bir il uzada bilər.

Qeyd edək ki, "cim-bom" alman hücumçu üçün "Arsenal"a 2.5 milyon avro ödəyib. Əgər klub Çempionlar Liqasına qatıla bilsə londonlulara daha 500 min avro ödənəcək.

Podolski özü isə "Qalatasaray"da illik 3 milyon avro və hər oyuna 20 min avro qazanacaq.