“Çelsi” 2017/18 mövsümünü başqa stadionda keçirəcək. Apasport.az saytı xəbər verir ki, London klubunun stadionu “Stemford Bric” həmin vaxt yenidənqurma üçün bağlanacaq.

“Zadəganlar” 2017/18 mövsümünü “Uembli”də keçirmək niyyətindədi. Birillik icarə üçün stadion rəhbərliyinə 11 milyon funt-sterlinq təklif edilib.

Maraqlıdı ki, həmin mövsümün əvvəlində digər London klubu “Tottenhem” də “Uayt Hart Leyn” stadionunu tərk edəcək. “Tottenhem” yeni arenaya köçənə qədər müvəqqəti stadion axtarışındadı və onlar da “Uembli”də oynamaq fikrindədilər. “Tottenhem” isə birillik icarə üçün 8 milyon funt-sterlinq təklif edəcək.

Qeyd edək ki, “Çelsi”nin sahibi Roman Abramoviç “Stemford Bric”in yenidənqurması üçün 500 milyon funt-sterlinq ayırıb.