Avropa Liqasında mübarizəni davam etdirən Azərbaycan klublarının III təsnifat mərhələsinin ilk oyununa çıxacağı gün təmsilçilərimiz üçün fərqli nəticələrlə əlamətdardı. Apasport.az saytının məlumatına görə, indiyədək komandalarımız bu tarixdə 4 dəfə meydana çıxıb.
Təmsilçilərimiz bu tarixdə iki qələbə qazanıb, iki məğlubiyyət alıb. Bunların ikisi 1997-ci ildə qeydə alınıbsa, digərləri son illərə təsadüf edib. 18 il öncə “Vidzev”in (Polşa) qonağı olan “Neftçi” 0:8, “Yablonets”i (Çexiya) qəbul edən “Qarabağ” 0:3 hesabı ilə uduzub.
Ağdam təmsilçisi iyulun 30-da daha iki dfə meydana çıxaraq, hər ikisindən qalib ayrılıb. 2009-cu ildə səfərdə “Honka” (Finlandiya) üzərində 1:0 hesablı qələbə qazanan ağdamlılar ötən il Bakıda “Zalsburq”dan (Avstriya) güclü olub - 2:1.
Qeyd edək ki, iyulun 30-da “Qəbələ” Kiprdə “Apollon”un, “İnter” İspaniyada “Atletik”in qonağı olacaq.