Moldovanın paytaxtı Kişinyovda təşkil olunan 17 yaşadək qızlar arasında UEFA-nın İnkişaf turnirində III turun oyunlarına start verilib. Apasport.az saytının məlumatına görə, günün ilk qarşılaşmasında Azərbaycan millisi bolqarıstanlı həmyaşıdları ilə üz-üzə gəlib.

Təmsilçimizin üstünlüyü şəraitində keçən görüş 4:0 hesabı ilə millimizin xeyrinə başa çatıb. Bununla, futbolçularımız yarışda çıxışını bitirib.

Turnirə isə Latviya – Moldova oyunu ilə yekun vurulacaq. Bu matç Bakı vaxtı ilə saat 20:00-da başlayacaq.   

Qeyd edək ki, yığmamız ilk turda meydan sahiblərinə 1:3 hesabı ilə uduzsalar da, ardınca Latviyaya 3:0 hesabı ilə qalib gəlib.