“Arsenal” iki futbolçu ilə müqavilə yenilədi
31.07.2015 - 22:20
“Arsenal” iki oyunçusuyla yeni müqavilə imzalayıb. Apasport.az saytının məlumatına görə, “topçular” Teo Uolkott və Santi Kazorlayla müqavilə müddətini uzadıb. Yeni müqaviləyə əsasən, hər iki futbolçu 2019-cu ilin yayına kimi London klubunun şərəfini qoruyacaq.
Bu barədə “Arsenal”ın baş məşqçisi Arsen Venger klubun rəsmi saytına belə danışıb:
“Santi və Teo çox bacarıqlı futbolçulardı. Onlar komandaya lazımlı oyunçulardı. Hər ikisinin yeni müqavilə imzalamasına çox sevindim”.
Xatırladaq ki, Uolkott 2006-cı, Kazorla isə 2012-ci ildən “Arsenal”ın şərəfini qoruyur.
0
0