"Yuventus" heyətini yeni futbolçuyla gücləndirib. Apasport.az saytının məlumatına görə, "qoca sinyora" "Marsel"in və Qabon millisinin yarımmüdafiəçisi Mario Leminanı heyətinə cəlb edib.

Turin təmsilçisi 22 yaşlı futbolçunu bir illik icarəyə götürüb. "Ağ-qaralar" Lemina üçün Fransa təmsilçisinə 500 min avro ödəyib.

Qeyd edək ki, Lemina 2013-cü ildən "Marsel"in uğurları üçün çalışırdı. O, bu müddətdə meydana çıxdığı 50 oyunda 2 qola imza atıb.