Kiyev “Dinamo”sunun və Ukrayna yığmasının futbolçusu Andrey Yarmolenko daha bir təklif alıb. Apasport.az saytı xarici mətbuata istinadən xəbər verir ki, “Barselona”nın ardınca “Liverpul” da 26 yaşlı hücumçu ilə danışıq aparır.

Ukrayna mətbuatı “Liverpul”un Yarmolenkonu transfer etmək üzrə olduğunu, ancaq “transfer pəncərəsi” bağlanana qədər bunu reallaşdıra bilmədiyini yazıb.

“Mersisaydlılar” təcrübəli futbolçunu heyətinə qatmaq məsələsini yanvara saxlayıblar. Maraqlıdı ki, hazırda transfer qadağası ilə üzləşən “Barselona” da Yarmolenkonu qışda heyətinə qatmaq arzusundadı.