İngiltərənin “Arsenal” klubu qış transfer dövründə fəallıq göstərmək niyyətindədi. Apasport.az saytı xarici mətbuata istinadən xəbər verir ki, “topçular” transferlərə 30 milyon avro ayıracaqlar.

London klubu yayda gerçəkləşdirə bilmədiyi Simone Zaza transferini də məhz yanvara saxlayıb. Komandanın baş məşqçisi Arsen Venger rəhbərliklə söhbətində adıçəkilən futbolçunun alınmasını tələb edib.

Qeyd edək ki, Premyer Liqanın cari mövsümündə 4 turdan sonra 7 xal toplayan “Arsenal” turnir cədvəlində 6-cı pillədə qərarlaşıb.