“Meydanda ağalıq edən biz idik”
05.09.2015 - 11:29
“Polşa yığması qrupun lideri idi. Buna görə də, oyuna yalnız qələbə üçün çıxmışdıq”. Apasport.az saytı xəbər verir ki, bu sözləri Almaniya yığmasının baş məşqçisi Yoahim löv deyib.
Avro-2016-nın seçmə mərhələsi çərçivəsində dünən Polşaya qalib gələn (3:1) almanlar qrup liderliyini ələ keçiriblər.
Bu görüşlə bağlı fikirlərini bölüşən Löv komandasının qələbəyə layiq olduğunu qeyd edib: “Meydanda ağalıq edən biz idik. Ancaq buraxdığımız bəzi səhvlərə görə işimizi bir qədər çətinləşdirdik. Hesab 3:0 ola bilərdi. Amma bu məqamda qapımızdan top buraxdıq. Polşa komandası bizim səhvlərimizi gözləyirdi. Yaxşı ki, belə vacib görüşdən 3 xalla ayrılmağı bacardıq”.
0
0